Takimi Gogu-Veliaj, Tela: Është negociuar për Bashkinë
Analisti Andi Tela, i ftuar në studion e “Të Paekspozuarit” në Vizion Plus, ka folur mbi takimin mes ministrit të Drejtësisë, Toni Gogu, dhe kryebashkiakut të Tiranës, Erion Veliaj.
Tela tha se në atë takim është negociuar për Bashkinë e Tiranës, ndërsa pas dështimit të negociatave, Veliaj ka reaguar dy ditë më vonë.
“Siaps mendimit tim, në atë takim ka pasur një negociatë që ka dështuar. Negociata ka qenë për Bashkinë e Tiranës. Pjesa tjetër, me ‘Flamingot’ dhe Plarent Ndrecën, janë rrethana që lidhen me Bashkinë e Tiranës.
Nëse Veliaj do të pranonte të delegonte Bashkinë, historia do të ishte mbyllur aty brenda. Meqenëse ajo negociatë dështoi, Veliaj të hënën ndërtoi atë fabul. Ne nuk e dimë si shkoi biseda brenda, pra, nga e hëna e tutje, Veliaj e përdor si mburojë politike. Thelbi i historisë është Bashkia e Tiranës”, tha Tela.
