Teuta dhe Tirana do të përballen sot në finalen e Superkupës së Shqipërisë. Kryeqytetasit do të kërkojnë të marrin hak përballë durrsakëve që triumfuan me rezultatin 2-0 në finalën e Kupës në fillim të muajit gusht.
Të dyja skuadrat vijnë nga euforia e arënës ndërkombëtare ndërsa do të tentojnë këtë të hënë të marrin dhe trofeun e parë zyrtar ne vend.
Tekniku bardheblu Emmanuel Egbo në pragë të sfidës tha se do të hyjnë në fushë për ta fituar këtë trofe jo për tu hakmmarrë .
EMMANUEL EGBO
TRAJNERI I TIRAËNS
” Nuk e shoh si hakmarrje, por si ndeshja e Superkupës që duhet ta luajmë ndaj Teutës. Është një ndeshje që përkon me fillimin e sezonit të ri dhe këto gjërat e tjera nuk na interesojnë. Futemi në fushë për të dhënë maksimumin tonë dhe për të marrë maksimumin në këtë sfidë.”
Por Egbo shton se megjithe sukseset që po kalon, skuadra ende nuk është kompletuar.
EMMANUEL EGBO
TRAJNERI I TIRANËS
”Kemi tre futbollistë që nuk kanë ardhur Akoma pasi duhet të shohim gjëndjen e tyre. Ata që kanë firmosur nuk janë afruar Akoma dhe ekipi nuk është ende I kompletuar. Kur të vijnë ata do të shohim nëse jemi gati dhe të kompletuar apo jo.”
Ndërsa trajneri i durrsakeve Edi Martini vjen në këtë takim me formacionin 4-2-3-1 , me të njëjtët lojtarë që luajtën ndaj Beitar Jerusalem , në takimin e vlefshëm për turin e parë të Europa League.
Edhe pse në letër diferenca mes dy skuadrave në këtë kompeticion është e madhe me Tiranën që e ka fituar plot 11 herë superkupën ndërsa Teuta vetëm 3 herë, djemtë e detit janë të bindur per aftësitë tyre.
Sfida do të luhet sot në orën 20:00 në stadiumin Elbasan Arena.
