Të paktën 60 afganë dhe 12 trupa amerikane u vranë ndërsa dhjetëra persona u plagosën, pas dy shpërthimeve të fuqishme që ndodhën jashtë aeroportit ndërkombëtar të Kabulit, në mes të një përpjekjeje kaotike të evakuimit nga Afganistani. (efekte)
I ashtuquajturi Shteti Islamik mori përgjegjësinë vetëm pak orë pasi dy sulmues vetëvrasës dhe persona të armatosur qëlluan turmat në portat hyrëse të aeroportit, duke shkaktuar një masakër njerëzore.
Gjenerali amerikan Frank McKenzie, kreu i Komandës Qendrore Amerikane, deklaroi se evakuimet nga Afganistani po vazhdojnë, edhe pse ky ishte nga incidentet më vdekjeprurëse për trupat amerikane të gjithë luftës 20-vjeçare.
Sekretari amerikan i Mbrojtjes, Lloyd Austin u zotua se ky akt nuk do ta dekurajonte ushtrinë amerikane në përmbushjen e misionit të saj. Ndërkohë NATO dhe qeveritë perëndimore gjithashtu kanë bërë thirrje për vazhdimin e operacioneve ajrore.
