Një grup turistësh spanjollë janë sulmuar këtë të enjte në Borsh të Sarandës.
Informacionet paraprake bëjnë me dije se ngjarja ka ndodhur pasi turistëve spanjollë nuk u ka pëlqyer shërbimi në një lokal dhe kanë tentuar të largohen.
Furgoni i turistëve është ndjekur nga pronarët e lokalit, të cilët kanë goditur me grushte turistët dhe drejtuesin e mjetit dhe kanë thyer xhamin e furgonit, i cili ka tentuar të largohet nga vendi i ngjarjes.
Ndërkohë policia është vënë në ndjekje të autorëve dhe po punon për zbardhjen e kësaj ngjarje.