Gazetari Armir Shkurti, i ftuar në emisionin Quo Vadis, deklaroi se ajo që po ndodh në Iran në thelb ka një prapavijë tjetër.
Sipas tij, lufta e madhe po zhvillohet mes Shtetet e Bashkuara të Amerikës dhe Kinë për të rivendosur dominancën amerikane në botë.
“Donald Trump shpalli në 2016 MAGA. Si do ta bëjë? Amerika gjatë pandemisë ishte e rrethuar nga Kina. Një luftë atipike e kishte pushtuar me laps dhe korrupsion. Hapi i parë ishte pastrimi nga kriminelët. Hapi i dytë ishte Irani dhe Venezuela.
Unë them se kjo është një luftë titanike SHBA–Kinë për rifitimin e dominancës amerikane. Unë mendoj se edhe zgjidhja e problemit me Rusinë – unë nuk e quaj pushtim atë në Ukrainë. Ukraina pushtohet më thjeshtë nëse i merr kryeqytetin. Rusia po pret të bëjë atë marrëveshjen për të marrë rajonet që i duhen.
Në këtë lojë Rusia do të marrë pjesën e vet. SHBA e ka thënë dekada më parë se nga do të kalojë Rusia. Tani po kalon nga SHBA.
Lufta nuk është e bukur, ato janë dhimbje. Por lufta është industri që funksionon. Nëse duam ta quajmë një Luftë Botërore, OK, por unë mendoj se janë masa ushtarake për të arritur një riekuilibrim të rendit botëror”, tha Shkurti.
