Një mësues u vra ndërsa kolegu i tij dhe një roje mbetën të plagosur rëndë pas një sulmi me thikë në një shkollë në Francën veriore.
Autori u identifikua dhe u vendos në prangat e Policisë menjëherë pas sulmit. Mediat franceze bëjnë me dije se i arrestuari, me origjinë nga Çeçenia ishte në listën e personave të rrezikshëm sa i takon islamit radikal.
Ai ishte gjithashtu ish-student i kolegjit ku ndodhi ngjarja.
Një video në rrjetet sociale e filmuar nga studentët tregon autorin me një xhaketë gri duke mbajtur një thikë dhe duke sulmuar disa persona në oborrin e shkollës.
Një nga viktimat u përpoq ta mbante në distancë me një karrige por më kot.
Prokuroria e Francës kundër terrorizmit nisi hetimet, ndërsa presidenti Emmanuel Macron u nis për në vendngjarje.
Franca është goditur nga një seri sulmesh nga ekstremistët islamikë që nga viti 2015.
