Të paktën 30 persona kanë humbur jetën dhe 40 të tjerë janë plagosur këtë të hënë si pasojë e një sulmi vetëvrasës që ka ndodhur në verilindje të Nigerisë.
Sipas mediave ndërkombëtare bombarduesit i shpërthyen eksplozivët jashtë një salle në Konduga të shtetit Borno, ku tifozët e futbollit po shihnin një ndeshje në televizor.
Ndërkohë në lidhje me këtë sulm është akuzuar grupi xhihadist Boko Haram, I cili nuk e ka marrë përsipër përgjegjësinë.
Ky grup kryen fushatë të dhunës, në përpjekje për të krijuar një shtet islamik në veri të Nigerisë, qysh në vitin 2009. Dhuna ka lënë të vrarë mbi 20,000 njerëz dhe ka zhvendosur mbi dy milionë të tjerë.
Boko Harami sulmon shpesh edhe xhamitë, predikuesit e të cilave nuk pajtohen me pikëpamjet e tij.
