Tre viktima dhe të paktën tre të plagosur është bilanci i një sulmi në Notingam, Britani.
Ndërkohë mësohet një fugon ka tentuar që të përplas qytetarët. Dy nga tre personat e vrarë ishin studentë në Universitetin e Nottinghamit.
Gjithashtu, një burrë ndodhet në spital në gjendje kritike, ndërsa dy të tjerët raportohet se kanë pësuar lëndime të lehta.
Si pasojë një 31-vjeçar është vënë në pranga nga policia britanike si i dyshuar i kësaj ngjarjeje, e cila dyshohet se është e lidhur dhe me të tjera incidente.
Policia kundër terrorizmit gjithashtu është në vendngjarje dhe po kryen hetime.
Ngjarja ka sjellë panik tek qytetarët, ndërsa dyshohet se ngjarja për shkak të metodës së përdorur, duke përfshirë therjen e mundshme me thikë dhe përdorimin e një automjeti, mund të ketë një lidhje me terrorizmin.
