Disa shpërthime janë dëgjuar këtë të shtunë në Dubai, duke detyruar autoritetet të pezullojnë përkohësisht fluturimet në aeroportin e qytetit, një nga më të ngarkuarit në botë.
Sipas raportimeve, qeveria njoftoi se kishte aktivizuar sistemet e mbrojtjes ajrore, ndërsa pasagjerët që prisnin fluturimet në aeroport u dërguan në tunele brenda kompleksit të madh aeroportual pasi u dha alarmi.
Një dëshmitar i tha agjencisë AFP se mbi zonën e aeroportit u dëgjua një shpërthim i fortë, i ndjekur nga një re tymi në ajër. Ndërkohë, disa banorë të qytetit thanë për Associated Press se shpërthime janë dëgjuar në pjesë të ndryshme të qytetit.
All flights to and from Dubai have been suspended until further notice.
⚠️Please do not go to the airport.
Emirates will share updates when available. We would like to thank our customers for their understanding and patience.
The safety of our passengers and crew is our… pic.twitter.com/6NhEajVslU
— Emirates Support (@EmiratesSupport) March 7, 2026
Kompania ajrore Emirates njoftoi se “të gjitha fluturimet drejt dhe nga Dubai janë pezulluar deri në një njoftim të dytë”. Pasagjerëve që kishin rezervime udhëtimi nga 28 shkurti deri më 31 mars u është dhënë mundësia të ndryshojnë datat e udhëtimit ose të kërkojnë rimbursim.
BREAKING
DUBAI AIRPORT HIT BY IRANIAN DRONE#Dubai #IranIsraelWar
— M9 USA🇺🇸 (@M9USA_) March 7, 2026
Të dhënat nga faqja e monitorimit të fluturimeve Flightradar24 treguan se shumë pak avionë po fluturonin mbi hapësirën ajrore të Dubait, ndërsa aeroporti po përballej me vonesa mesatare prej 60 deri në 90 minutash.
Sipas njoftimeve të linjave ajrore, disa fluturime janë devijuar drejt aeroporteve të tjera në rajon, përfshirë Zayed International Airport në Abu Dhabi, Sharjah Airport, Akrotiri Airport dhe Fujairah International Airport.
Ngjarja vjen në një moment kur tensionet në Lindjen e Mesme janë përshkallëzuar ndjeshëm. Konflikti në rajon ka hyrë në ditën e tetë, pas sulmeve të Shteteve të Bashkuara të Amerikës dhe Izraelit ndaj Iran.
Ndërkohë, në kryeqytetin iranian Teheran janë raportuar shpërthime të tjera, ndërsa Irani ka reaguar duke lëshuar raketa drejt territorit izraelit.
Administrata e presidentit amerikan Donald Trump ka miratuar gjithashtu një paketë të re shitjeje armësh për Izraelin me vlerë 151 milionë dollarë, ndërsa tensionet mes palëve vazhdojnë të rriten./vizionplus.tv
