Prokurorët në Suedi kanë ndërprerë hetimet, mbi një akuzë për përdhunim, të bërë kundër bashkë-themeluesit të Ëikileaks, Julian Assange, më 2010.

 

Assange, i cili e mohon akuzën, ka shmangur ekstradimin për në Suedi, për shtatë vjet, pasi në vitin 2012 kërkoi strehim në ambasadën e Ekuadorit në Londër.

 

Australiani, 48 vjeçar, u dëbua nga ambasada në muajin prill dhe u arrestua nga policia britanike. Ai aktualisht po vuan dënimin prej 50 javësh, për shkelje të lirimit me kusht.

 

Assange po mbahet në burgun Belmarsh në Londër, transmeton rel. Autoritetet amerikane e akuzojnë Assange-in për bashkëpunimin me analisten për inteligjencë ushtarake, Chelsea Manning për thyerje të fjalëkalimeve në mënyrë që të ketë qasje në kompjuterët qeveritarë me informacione të klasifikuara.

Leave a Reply

Your email address will not be published. Required fields are marked *