Reshjet jashtëzakonisht të dendura të dëborës kanë shkaktuar vdekjen e 30 personave në Japoni gjatë dy javëve të fundit, njoftuan sot autoritetet japoneze. Mes viktimave është edhe një grua 91-vjeçare, e cila u gjet nën dëborë përpara banesës së saj.
Qeveria japoneze ka angazhuar forcat e armatosura për të ndihmuar banorët në prefekturën Aomori, zona më e prekur nga moti ekstrem, ku në disa rajone të izoluara janë grumbulluar deri në 4.5 metra dëborë.
Kryeministrja Sanae Takaichi ka thirrur një mbledhje emergjente të kabinetit dhe u ka kërkuar ministrave të marrin të gjitha masat e nevojshme për mbrojtjen e jetës së qytetarëve.
Sipas autoriteteve, masa ajrore shumë të ftohta kanë shkaktuar reshje të fuqishme përgjatë brigjeve të Detit të Japonisë, ndërsa në disa zona sasia e dëborës ka qenë më shumë se dyfish mbi mesataren sezonale.
Nga 20 janari e deri më sot, 30 persona kanë humbur jetën si pasojë e kushteve të rënda atmosferike, bëri të ditur Agjencia Japoneze për Menaxhimin e Zjarreve dhe Fatkeqësive.
“Imminent threat to life”
Record-breaking snowfall in Aomori, northern Japan, has left snow depths topping 1.8 metres (5.9 feet), overwhelming roads and raising fears of deadly accidents and roof collapses, prompting the Japan Ground Self-Defence Forces to begin disaster relief… pic.twitter.com/Kknt6xsKGs
— Volcaholic 🌋 (@volcaholic1) February 2, 2026
Sipas policisë, pesha e dëborës ka shkaktuar shembjen e çatisë së banesës, duke e zënë poshtë viktimën, e cila humbi jetën nga asfiksia. Pranë trupit u gjet edhe një lopatë, çka tregon se ajo po përpiqej të pastronte dëborën.
Guvernatori i Aomorit, Soichiro Miyashita, deklaroi se kishte kërkuar ndihmën e ushtrisë, e cila ka ndërhyrë për pastrimin e dëborës në banesat e të moshuarve. Në kryeqytetin e prefekturës, mure dëbore deri në 1.83 metra kanë mbuluar zonat urbane, ndërsa shërbimet e pastrimit nuk po arrijnë të përballojnë situatën.
“Rreziku i aksidenteve, potencialisht fatale, si pasojë e rënies së dëborës nga çatitë apo shembjes së ndërtesave, është i menjëhershëm”, paralajmëroi guvernatori gjatë një konference për shtyp.
/vizionplus.tv
This afternoon: Record-breaking snowfall continues in Aomori, northern Japan, raising serious safety concerns.🇯🇵
At least two people have died during snow-removal efforts.
The Japan Ground Self-Defense Force has launched emergency operations to assist residents.
Authorities… pic.twitter.com/wjnStaYU3S
— Weather Monitor (@WeatherMonitors) February 2, 2026
