Stuhi shiu në Elbasan, uji vërshon në rrugë

Reshje intensive shiu kanë përfshirë pasditen e kësaj të shtune qytetin e Elbasanit, duke bërë që uji të vërshojë në rrugë.

Siç shihet edhe nga pamjet e siguruara nga Vizion Plus, rrugët janë përmbytur nga uji, duke krijuar vështirësi në lëvizje.

Po ashtu, uji ka hyrë edhe brenda bizneseve të vendosura buzë rrugës, edhe pse deri tani nuk raportohet për dëme materiale.