Studimi/ Një bimë në tavolinën tuaj të punës ju ul stresin

Keni një ditë të vështirë në punë? Sipas studiuesve nga Japonia, zgjidhja mund t’ju vijë nga një bimë.

Ata kryen një eksperiment tek punëtorët e një kompanie elektrike në Japoni dhe vëzhguan ndryshimet e tyre në nivelin e stresit para dhe pas vendosjes së një bime në tavolinën e tyre të punës.

Përfundimet treguan se numri i të punësuarve me nivel të lartë stresi u ul. Shumë studime janë bërë mbi efektet shëndetësore të bimëve brenda shtëpisë, por shumica e tyre janë kryer në laboratorë dhe përfshijnë vetëm ndërveprimin pasiv.

Ky studim verifikoi efektin zvogëlues të stresit të bimës në një mjedis të vërtetë zyre kur një punonjës ndjehet i lodhur.