Të gjithë duan të kenë dhëmbë të bukura dhe një buzëqeshje perfekte. E për këtë, ka shumë persona, që nga materialet që shohin në internet, i përdorin në shtëpi, për të zbardhur dhëmbët, me kosto më të ulët dhe pa bërë asnjë konsultë me dentistin.
Stomatologu Besnik Sadikaj në një intervistë për emisionin Mes’dritë në Vizion Plus ka treguar “sekretet” për të mbrojtur dhëmbët dhe kujdesin oral që duhet të tregojmë.
“Gabimi i parë që pacientët bëjnë është përdorimi i pastave që kanë aciditete për zbardhim. Pas mbrimit të kësaj paste, duhet përdorur njëpastë që ka kalcium dhe flour. Duke qenë se duan të zbardhin dhëmbët pa kosto, përdorin metoda me mjete shtëpiake, që janë shumë të dëmshme. Janë disa maskarina që vendosen me xhel, që i marrin pa konsulta paraprake, duke sjellë rezultat të mirë për një farë kohe, por dëme të mëdha.
Smalti ka një rol kryesor dhe me këto metoda “zhveshim” smaltin”, tha Sadiakaj.
Stomatologu më tej shtoi: “Armiqtë më të mëdhenj janë ato që prishin funksionin si alkoolet e rënda”.
Sadiakj u shpreh se nuk ka asnjë lloj mënyre që mund të pastrohen gurëzat në kushte shtëpie.
“Gurëzat nuk mund të pastrohen asnjë herë në kushte shtëpie, nuk ekziston asnjë mënyrë. Ekzistojnë mënyra që të bëjnë më të largët kohëzgjatjen, larja në mënyrë të rregullt, përdorimi në përzgjedhjen e furçës. Furça të mira janë ato me shumë fije sepse nuk bën irritim të mishrave dhe pastrim më të thellë dhe të jetë e butë. Nëse ka gjakderdhje kur lan dhëmbët, ka pasojë, që kryesisht mund të jenë gurëzat”, tha ai.
Stomatologu tregoi edhe sugjerimin e tij për mirëmbajtjen e gojës dhe për të pasur dhëmbë më të fortë.
“Unë do sugjeroja pasta organike që janë me shirit jeshil. Moshat e reja mund të përdorin pasta për zbardhim dhëmbës, ta mbarojnë një, dhe më pas të përdorin një pastë që ka fluor për të rikuperuar dëmtimin e dhëmbit”, tha ai./vizionplus.tv
