Numri i sulmeve terroriste në botë është rritur me 14% në vitin 2016 krahasuar me vitin 2015 dhe 174% përsa i përket vendeve perëndimore, sipas studimit të Shoqërisë së Menaxhimit të Riskut dhe Sigurisë AON të publikuar sot.
Vitin e shkuar janë kryer 4.151 sulme terroriste në botë krahasuar me 3.633 në vitin 2015, sipas të dhënave të AON.
Në vendet perëndimore, numri kaloi nga 35 në vitin 2015 në 96 në vitin 2016, sipas studimit të publikuar në faqen zyrtare.
Megjithë rritjen e madhe të sulmeve terroriste në vendet perëndimore, ato nuk kalojnë 3% të dhunës terroriste në nivel botëror, sipas studimit të ekspertëve të AON, të cilët bashkëpunuan me zyrën e Roubini Global Economics et Risk Advisory Group për hartëzimin e vitit 2017.
Sipas të dhënave pritet rritje e rrezikut për vitin 2017, 17 vende mbajnë nivelin më të lartë të rrezikut.
Viti 2016 pati një rritje me 14 % të numrit të sulmeve terroriste në mbarë botën. Vendet perëndimore paten një rritje 174% të sulmeve terroriste në 2016, nga 35 në vitin 2015 shkuan në 96 sulme në 2016.
Louis Bollaert, Drejtor i Rreziqeve Politike në Aon France deklaron për AFP, se nuk konsiderohet se do të ketë përmirësim të situatës në vitin 2017.
Kompanitë e gazit dhe naftës kanë qenë shenjestra e 41% e sulmeve terroriste për interesa tregtarë në vitin 2016 dhe trendi ka vazhduar dhe në vitin 2017.
Në vitin 2016 Shtetet e Bashkuara shenjuan numrin më të lartë të incidenteve terroriste në një decade.
