Deputetët e Shqipërisë u mblodhën pasditen e sotme në Kuvend, por seanca plenare u shoqërua me tensione që në nisje.
Opozita riktheu skenarën e kaosit dhe tensionet pas dënimit me një vit burg të demokratit Ervin Salianji.
Demokrati Flamur Noka ka hedhur sende të forta në drejtim të kryetares së Kuvendit, Elisa Spiropali, ndërsa kjo e fundit po njoftonte heqjen e mandatit të Ervin Salianjit, i dënuar me 1 vit burg për kallëzim të rremë.
Ndërkohë pas përplasje me gardën, deputetët e opozitës morën karriget dhe i nxorrën jashtë salle duke i vënë flakën.
U desh ndërhyrja e gardës për të fikur zjarrin.
Pas rinisjes së seancës plenare Flamur Noka i shkuli mikrofonin socialistit Petro Koçci ndërsa ky i fundit ishte duke mbajtur fjalën.
Më pas Noka dhe Bledion Nallbati po debatonin me socialistin Petro Koçi, ndërsa në një moment Noka e qëlloi në dorë.
Opozitarët më pas dolën jashtë sallës së Kuvendit, nxorrën karriget e tyre dhe i vunë flakën.
Pas daljes për herë të dytë nga salla të gjithë deputetët e opozitës mbajtën fjalën e tyre para mediave ku ju bënë thirrje qytetarëve që t’i bashkohen opozitës në protestën e datës 7 tetor. /Vizionplus.tv/
