Kandidati për deputet i Partisë Demokratike, Belind Këlliçi ka publikuar një video, ku shihet ministrja Elisa Spiropali duke kërcyer në një lokal.
Siç vihet re edhe nga pamjet, Spiropali ndodhet në një ambient me një numër të lartë njerëzish, duke u argëtuar.
“Në kinematë e Tiranës shfaqet filmi me titull “S’ka kohë për pushim”. Filmi bazohet në historinë e vërtetë të një vajze rebele që lotonte për minatorët. Kalvari i saj i vuajtjeve gjatë një greve urie, do të marrë fund kur heroi i saj, me shkopin e tij magjik, e shndërron në drejtoreshë. E gjendur në një realitet krejt të ri, vajza zbulon pasionin e saj të fshehur për bukën dhe vallëzimin. Një metamorfozë e kohëve moderne. Ndiqni trailerin e filmit”, shkruan Këlliçi.
