Avokati Spartak Ngjela shprehet se partitë e mëdha politike nuk i janë përgjigjur kushteve të Washingtonit, për të eliminuar të kriminalizuarit.
Ai tha në “Quo Vadis” se SHBA i ka kërkuar PD-së dhe PS-së që të largojnë të inkriminuarit nga listat. Mirëpo, sipas tij, këto forca politike, refuzojnë. Ai njoftoi se nesër ose ditët në vijim, SHBA do të reagojë për “kriminelët”, siç i quan ai, që vijojnë të qëndrojnë në politikë.
“SHBA ka kërkuar dekriminalizimin sepse ka emra. Ambasadorja ka kërcënuar në mënyrë diplomatike. Problemi qëndron se ne kemi shpresë tek politika amerikane. A do t’i godasë? Pse nuk i përgjigjen politikës amerikane për eliminimin e të kriminalizuarve. Nesër do të shikojmë se cilët janë këta. Ata nuk kanë hequr asnjë nga emrat që u kishin kërkuar. Jan 10-14 emra. Kjo do të thotë se ata do të vjedhin votat sërish me banditët. Kemi shpresë tek politika amerikane. Partitë e mëdha kanë kohë që i vjedhin votat.”
