Policia spanjolle ka sekuestruar sasinë më të madhe të kokainës të kapur deri më tani në Europë. Rreth 9 ton kokainë ishte fshehur në një kontenier që transportonte banane nga Kolumbia.
Në operacion u përfshinë Europol dhe qeveria kolumbiane. Droga ishte e fshehur mes 1080 kutive të bananeve në një anije.
Deri më tani, autoritetet kanë arrestuar 6 persona që i përkasin rrjetit të trafikantëve, 4 në Spanjë dhe 2 në Francë, mes të cilëve është edhe një anëtar i policisë spanjolle.
Në një deklaratë të lëshuar nga qeveria kolumbiane thuhet se ngarkesa i përket “klanit të gjirit”, që është kthyer në kartelin më të madh të trafikut të drogës në Kolumbi.
