Spanja dhe Argjentina në festë, parakalime madhështore te ekipeve kampione në Madrid dhe Buenos Aires
Spanja festoi pas kthimit në Madrid në mënyrë madhështore titullin e kampiones së Europës, të katërtin në histori.
Iberikët patën një program të ngjeshur, duke nisur fillimisht nga pritja në pallatin Zarzuela nga familja mbretërore, ku kapiteni Alvaro Morata i dha mbretin Felipe një fanellë të Spanjës me numrin 4.
Më pas festa më e madhe u spostua në rrugët e Madridit ku ekipi parakaloi me autobuz të hapur, për të përfunduar në sheshin qendror të kryeqytetit, Cibeles.
Dhjetëra mijëra njerëz priten bashkë me kryebashkiakun e Madridit, lojtarët dhe stafin teknik. Me aktivi nga të gjithë ishte kapiten Morata, i cili u kujdes t’i përfshinte të gjithë shokët e skuadrës në festime, por jo vetëm përmes këngëve të improvizuara thumboi edhe talentin e Gjermanisë Musiala, përmes vargjeve të nderimit që i bëri mbrojtësit ekspert Karvahal.
Pak a shumë e njëjta pamje edhe në Buenos Ajres, vetëm se numri i tifozëve në sheshin kryesor të kryeqytetit argjentinas që prisnin Messin me shokë të saposhapllur kampionë të Amerikës, ishte dukshëm më i madh.
Bardekatrit e fituan këtë trofe për herë të 16 në histori, rekord absolute duke treguar dominimin e madh në futbollin botëror në vitet e fundit, pasi janë aktualisht edhe kampion botë në fuqi.
Messi me shokë përsëritën pikërisht skanet e dhjetorit të 2022, kur u kthyen nga Katari. Edhe këtë herë argjentinasit ishin të çmendur për yjet e kombëtares albiceleste, aq më tepër që ishte mundësia e fundit për të falënderuar Di Amrian që i dha lamtumirën kombëtares, ndërsa për Messin ndoshta ka ende kohë para se të marrë një vendim të tillë./vizionplus.tv
