Pandemia e shkaktuar nga koronavirusi i ri i ka dhënë një goditje të fortë shëndetit publik dhe ekonomisë në kontinentin e vjetër.
Sipas të dhënave zyrtare, ekonomia e Francës pritet të tkurret me 20 për qind në tremujorin e dytë të vitit, si rezultat i masave të ashpra të izolimit ndaj koronavirusit.
Edhe ekonomia gjermane, më e fuqishmja në Europë, ka rënë në recesion.
Ndërkohë Spanja ka nisur kete te merkure 10 ditët e zisë për më shumë se 27 mijë njerëz që e humbën betejën me sëmundjen. Flamujt do të ngrihen në gjysmë shtizë në më shumë se 14,000 ndërtesa publike në të gjithë vendin dhe në anijet spanjolle deri më 5 qershor.