SPAK ka sekuestruar dosjen për tenderin 17 miliardë për mbylljen e landfillit të Porto-Romanos.
Tenderi u zhvillua nga Agjencia Kombëtare e Ujësjellës por për cudi ndonëse bëhet fjalë për një shumë të konsiderueshme financiare, fituesi nuk doli nëpërmjet një gare.
Më konkretisht tenderi ishte fituar nga bashkimi i disa kompanive, asaj shqiptare “Victoria Invest International” dhe kompanisë italiane, “De Mare” srl”. Madje kompania italiane ishte regjistruar në QKR vetëm 3 ditë para tenderit.
Dhënien e tenderit me procedurë prokurimi “me negocim, pa shpallje paraprake”, Agjencia Kombëtare e Ujësjellës e kishte justifikuar për shkak të nevojës ekstreme në të cilën ndodhemi pas ngjarjeve të shkaktuara nga tërmeti i datës 26 Nëntorit.
