SPAK ka nisur hetim pasuror për këngëtaren Elvana Gjata, e cila u përmend në përgjimet e Ervin Matës, i shpallur në kërkim për trafik ndërkombëtar droge.
Në dosjen hetimore nënvizohet se sipas komunikimeve në aplikacionin “SKY” mes Matës dhe Erzen Breçanit, i ka thënë këtij të fundit se “do t’i dërgojë 500 mijë euro përmes llogarisë së Elvanës”.
“Ç’a je ka bani ju? Si asht Ervini?…Nuk pata kohë me të thanë se mtha mue po ti dergoj nga llogaria e elvanes 500 mij euro borxh…E maroj punet sa t’i kalosh kto halle…I thashë jo ne asnje menyrë…I ka Eralbi po nuk ka me ç’ka i sjell tha, kam njerez une që i sjellin sa te dush… Tash sa ka i bjen ne mend hic per HEC-in me than te drejten…“, thuhet në dosje.
Emri i këngëtares nuk është hera e parë që lakohet në media, pasi në ngjarjen e 4 tetorit 2018, si pasojë e një përplasje me armë, mbeti i vrarë Fabjol Gaxha, truprojë i Ervis Martinajt, në atë kohë Elvana Gjata u cilësua si partnerja e Matës.
