Prokuroria e Posaçme ka paraqitur pretencën për ish-kryetarin e bashkisë Himarë Jorgo Goro dhe ish-zyrtarin Vasillaq Strakosha.
SPAK kërkoi dy vjet heqje lirie për Goron. Nëse Gjykata konfirmon këtë kërkesë, atëherë me gjykim të shkurtuar atij do t’i ulet dënimi në 1 vit e 4 muaj. Ndërsa për Strakoshën u kërkua dënimi me 1 vit e 6 muaj burg.
Ish-kryebashkiaku i Himarës u gjykua për “shpërdorim detyre” më shumë se një herë, kryer në bashkëpunim me dy ish-drejtorë të bashkisë.
Sipas SPAK ai ka abuzuar me detyrën duke ndërmjetësuar për një pronë, e cila më pas iu vendos në dispozicion një subjekti tregtar.
Më herët Goro u dënua edhe për çështjen e parë, ku akuzohej edhe për shpërdorim edhe për fshehje të ardhurash me pronat në Himarë./vizionplus.tv
