Prokuroria e Posaçme shpalli moskompetencën për të hetuar vrasjet e 21 janarit. Për pasojë, dosja i është kaluar për ndjekje prokurorisë se Tiranës.
Spak vëren se ngjarjet e 21 janarit mund të shqyrtohen prej saj vetëm në rast se bëhet fjalë për grup të strukturuar kriminal e po ashtu nëse urdhrat për vrasje janë dhënë nga zyrtarë të lartë shtetërorë.
Vendimi i prokurorisë vjen pas dy padive të bëra nga partia socialiste dhe ministria e drejtësisë, të cilat akuzuan ish-kryeministrin Berisha dhe ish-ministrin e Brendshëm Lulzim Basha për 21 janarin.
Kallëzimet u bënë pas publikimit të një audio regjistrimi, ku dëgjoheshin punonjësit e gardës duke komunikuar mbi përdorimin e armëve.
