Kompeticioni më i bukur për futbollin elitar dhuron të tjera emocione këtë të martë për këdo që dashuron futbollin e bukur. Siparin e ndeshjeve e hap çifti Shaktar Donjeck-Real Madrid. Në rast fitoreje, spanjollët do sigurojnë kualifikimin në turin tjetër. Ramos, Valverde dhe Hazard i dëmtuar në ndeshjen e fundit nuk do të jenë në dispozicion të trajnerit Zidan ndërsa do të tentojë me doemos 3 pikë nga ky takim
Ndërkohë Interi ndodhet në një situatë kritike ku edhe barazimi do e nxirrte jashtë turneut. Skuadra e Contes do të përballet në transfertë me Borrusia Myshengladbah ndërsa Vidal do të jetë mungesë vetme për teknikun italian. ndërkohë në dyshim janë Naingola, Kolarov dhe Pinamonti.
Në grupin A Bayern Munchen pasi siguroi vendin e parë, këtë mbrëmje luan në transfertë kundër Atletico Madrid. Një ndeshje e bukur por që do të ketë rëndësi vetëm për djemtë e Simeones. Spanjollët nuk do të kenë Diego Costën e dëmtuar ndërsa Sancez dhe Suarez janë në dyshim. Ndërsa Trajneri i kampionëve në fuqi, Hans- Flick vendosi të lërë pushim disa nga titullarët e tij, si Neuer, Leëandoëskie Goretzka apo Kimmich. Grupin e kompleton sfida Lokomotiva e Moskës-Salsburg.
Në grupin D , Atalanta e Gjimshitit luan përballë Mitjland, një ndeshje e rëndësishme për tu kualifikuar në turin tjetër. Skuadra e Gasperinit edhe pse me shumë mungesa si Caldara, Miliovski, Pasalic do ti duhet me doemos të marri 3 pikë dhe të përfitojë dhe nga ndeshja tjetër e grupit Liverpool -Ajaks. Anglezët dhe pse në vendin e parë , llogaritë mbajnë ende në lojë skuadra e tjera. Trajneri Klopp do të kërkojë sot kualifikimin dhe pse nuk ka shërbimet e Van Dajk , Gomez, Alkantara, Aleksander Arnold dhe futbollisti shqiptar Xherdan Shaqiri ndërsa hollandezët do të zbresin në fushë me formacionin më të mirë.
Në grupin C, Manchester City do të kërkojë të ruaj vendin e parë në grup kundër Portos , ndërsa trajneri Guardiola konfirmoi lëndimin në gju te Agueros. Ndërkohë grupin e kompleton sfida Marsejë- Olimpikos. 6 ndeshjet kryesore do të transmetohen ekskluzivisht në platformën TRING.
