Kuqezinjtë do të përballen sot pasdite me Ukrainën në Evian të Francës. Disfata me Kosovën në Zyrih e ka detyruar teknikun Italian Kristian Panucci ti rikthehet skemës së vjetër të lojës duke kërkuar një rezultat pozitiv mes ukrainasve të Shevcenkos.
Kështu në portë do të jetë i përhershmi Berisha. Në krah të Gjimshitit në qendër të mbrojtjes italiani i beson eksperiencës së Mërgim Mavraj. Në krahun e djathtë është Elseid Hysaj, ndërsa pasiguria e Bujar Likës në të majtë i ka kushtuar vendin lojtarit te Grasshoppers. Panucci do ti besojë në këtë pozicion Frederik Veseli që duket një tjetër bast për numrin një të pankinës shqiptare.
Ne një skemë 4-1-4-1 përpara mbrojtjes do të jetë Lilaj. Mesfusha në qendër pritet të ketë Ndoj dhe Ramadanin ndërsa Roshi në të djathtë dhe Ermir Lenjani i rikuperuar pritet ta nisë këtë ndeshje që nga minuta e parë në të majtë. Në sulm pritet ti besohet përsëri Manaj edhe pse lojtari më i ri i Ostende Sidrid Guri është një opsion. Në séancën e fundit stërvitore edhe pse Kristal Abazaj i është rikthyer stërvitjes edhe pse i veçuar duke kryer disa vrapime rreth fushës, nuk pritet të luajë në këtë ndeshje.
