Eva Longoria nuk e kishte synuar Hollywood-in kur ishte e re – e lëre më të konsiderohej si një nga femrat më të bukura në industrinë e argëtimit.
“Në familjen time kam pasur një rol interpretues, sepse kam qenë rosaku i shëmtuar. Unë mund t’jua vërtetoj nëse dëshironi”, tha Eva Longoria me shaka në një intervistë për Today, të publikuar të dielën, më 23 mars.
“Tri motrat e mia duken njësoj. Janë të gjitha bionde. E dija që nuk isha ajo e bukura dhe thashë: ‘Mirë, nuk jam ajo e bukura, kështu që do të jem ajo qesharakja‘.
Si më e vogla nga katër vajzat, ajo u rrit në një fermë në Teksas, ku familja e saj kujdesej për kafshët. “Ne merrnim vezët në mëngjes.” “Duhej të mjelnim lopën për qumështin që do të hynte në kafe dhe drithëra tona ”, kujton ajo gjatë intervistës.
View this post on Instagram
Eva Longoria fitoi një diplomë në kineziologji nga Texas A&M, duke përdorur bursat e një konkursi bukurie. Pas fitimit të konkursit, ajo udhëtoi për në Los Angeles dhe më pas arriti në Hollywood. Ajo vendosi të bëhej aktore dhe fama e saj shpërtheu me rolin në serialin “Shtëpiake të dëshpëruara”, i cili u transmetua nga 2004 deri në 2012. Eva kujton se kur mori skenarin për serialin, i tha nënës së saj se do të luante çdo javë, dhe kjo ishte një ngjarje e madhe për familjen e saj.
