Eksperti i ekonomisë Azmi Stringa komentoi në studion e QUO VADIS propozimin e kryeministrit Edi Rama që Shqipëria të heqë dorë nga vetoja në proceset e Bashkimit Europian.
Sipas tij, kjo lëvizje ka një domethënie të fortë politike dhe strategjike, duke synuar të neutralizojë skeptikët që kundërshtojnë zgjerimin e BE-së.
Gjithashtu, Stringa vlerësoi rikthimin e vëmendjes te marrëdhëniet me Italinë, të cilat i cilësoi thelbësore për interesat shqiptare.
Pjesë nga biseda:
Borakaj: Ka një element shumë të rëndësishëm këtu që dua ta theksoj. Është propozimi i kryeministrit Rama që Shqipëria të heqë dorë nga veto. Pse ky propozim në këndvështrimin tuaj Vetëm anëtarësimi në Bashkimin Europian të detyron të heqësh dorë nga sovraniteti. Kur ti nuk pranon të kesh as veton, do të thotë të heqësh dorë edhe më shumë sesa ajo që vetë anëtarësimi të detyron.
Stringa: Shumë e vërtetë. Do ta lidh me qëndrimet e tre shteteve lidhur me këtë pyetjen që bëre. E para, unë doja ta përgëzoja kryeministrin Rama për rikthimin e vëmendjes tek Italia dhe marrëdhënien tonë të humbur. Kjo nuk ndodhi vetëm për fajin tonë, por edhe për faj të atyre, lidhur me një investim të jashtëzakonshëm. Pse e them këtë? Një Bashkim Europian pa Italinë nuk do ishte e njëjta gjë për Shqipërinë, BE-ja që njohim ne. Ne kemi interes strategjik tek Italia dhe duhet t’i mbajmë lidhjet. Gjëja që do të them më pas është pse Rama e bën këtë propozim. Kjo është mënyra më e thjeshtë për t’i hequr skeptikët që nuk duan t’ia japin Shqipërisë statusin ose nuk duan të fusin anëtarë të rinj.
/vizionplus.tv
