Influencerja më e famshme italiane, Chiara Ferragni, është shpallur e pafajshme nga akuzat për mashtrim në një rast prej 2 milionë eurosh, që lidhej me shitjen e kekëve të Krishtlindjeve, vezëve të Pashkës dhe bamirësinë për fëmijët me kancer.
Një gjykatës në Milano vendosi të mërkurën se akuzat për mashtrim të rënduar kundër Ferragnit, për pretendimin se të ardhurat nga shitja e “pandoro”-s në kutinë rozë do të shkonin në një spital fëmijësh për kërkimin e kancerit, nuk ishin të pranueshme në gjykatë. Prokurorët kishin kërkuar një dënim prej 20 muajsh burg për influenceren 38-vjeçare.
“Çdo gjë që kemi bërë, e kemi bërë me qëllim të mirë, askush prej nesh nuk ka përfituar,” tha Ferragni në gjykatë, duke pranuar se kishte bërë një “gabim komunikimi”.
Ferragni bashkëpunoi me kompani italiane të ëmbëlsirave, Balocco, për të promovuar “Pandoro Pink Christmas” gjatë Krishtlindjeve 2022 dhe 2023, si dhe vezë çokolade të markës “Dolci Preziosi” për Pashkë. Fushata sugjeronte se të ardhurat do të shkonin në spitalin e fëmijëve Regina Margherita në Torino për kërkimin e kancerit, gjë që rriti shitjet.
Problemet për Ferragnin nisën pasi një gazetar investigativ zbuloi se Balocco kishte dhuruar 50,000 euro për spitalin para marrëveshjes me kompanitë e Ferragnit, dhe se influencerja kishte marrë një shpërblim komercial prej 1 milion eurosh për sponsorizim. Më vonë u zbulua se të ardhurat nga shitja e kekëve shkonin drejtpërdrejt te Ferragni, përveç shpërblimit prej 1 milion eurosh, dhe jo te spitali.
As Balocco, as spitali, as ish-bashkëshorti i Ferragnit, reperi Federico Lucia (i njohur si Fedez), nuk u akuzuan për mashtrim. Por imperoja shumë-milionëshe e Ferragnit dhe Fedez, që përfshinte program televiziv, podkaste, marka mode dhe dyqane pop-up, u shemb pas skandalit.
Çifti ishte përfshirë edhe në politikë progresive, duke mbështetur çështje pro-LGBTQ, gjë që shkaktoi reagime nga Kisha Katolike dhe politikanë të djathtë, përfshirë Giorgia Melonin, e cila mori pushtetin në 2022, ndërkohë që skandali po dilte në dritë.
Skandali, i quajtur “Pandorogate”, tërhoqi vëmendjen kombëtare dhe nxiti miratimin e ligjeve për rregullimin e influencerëve në Itali.
Pavarësisht akuzave, Ferragni dhe kompanitë e saj kishin paguar 3.4 milionë euro në spital, kishin kthyer shpërblimin e sponsorizimit tek Balocco dhe kishin rimbursuar blerësit e kekëve dhe vezëve.
/vizionplus.tv
