Pedagogia Rejla Bozdo, në studion e “Quo Vadis” ka ndarë bisedën e saj me një ish-zyrtare të lartë në Ministrinë e Arsimit. Ajo rrëfen se si institucionet “dorëzohen” përpara ndërhyrjes së poltikës edhe në raste kur bëhet fjalë për dhunë.
“E vërteta është që vite mëparë unë kam qenë në një diskutim me një zonjë shumë të nderuar, që punonte në Ministrinë e Arsimit dhe flisnim për dhunën në shkollë. Pasi ne mbaruam bisedën në studio, në një bisedë private ajo zonjë e nderuar më tha se 90% e mësuesve në shkolla dhunojnë, unë kam dështuar tha në misionin tim, sepse në momentin që mua partia më merr në telefon për një rast të dhunës, unë këtij mësuesi nuk kam çfarë t’i bëj. Është para 7 vitesh”, tha ajo.
Bozdo theksoi se ndërhyrja e politikës pamundëson punën e institucioneve dhe profesionistëve, ndërsa nënvizon se cikli i dhunës i ndërtuar ndër breza duhet të ndërpritet.
