Belgjika po përjeton ditë të vështira për shkak të koronavirusit, aq sa në punë janë thirrur edhe mjekë e infermierë që janë të infektuar, por asimptomatikë.
Në orët e fundit, autoritetet shëndetësore raportuan për 5.924 të shtruar në spitale, numri më i lartë qysh kur nisi pandemia.
Në prill, kur ishte vala e parë e pandemisë, Belgjika kishte në spitale 5.759 pacientë. 993 persona janë në kujdes intensiv. Për të dytën ditë radhazi të vdekurit ishin më shumë se 130.