Kryeministri Edi Rama deklaroi se duke filluar nga nesër të gjithë qytetarët do të kenë 50% më shumë internet mobile falas, deri në pesë javë.
Në një dalje live në “Facebook”, Rama pohoi se është rënë dakord me operatorët në Shqipëri. Po ashtu, do të mund të aksesohen falas të gjitha programet edukative dhe mësimore për nxënësit.
“Tani do ju jap një lajm për internetin meqë më keni thënë këto ditë. Falë bashkëpunimit dhe mirëkuptimit të sipërmarrjeve dhe ministrisisë brendshme, policisë, bashkive është siguruar kudo ku ka qënë e mundur aksesi në pikat kryesore të shitjes, më shumë se 350 teknikë janë në terren për të mirëmbajtur rrjetin. Në kushte kur shumica e qytetarëve po ushtrojnë një pjesë të rëndësishme online, kemi inkurajuar operatorët, të ofrojnë për pajtimtarët mundësi cilësore dhe maksimale të internetit. Së pari 50% më shumë internet falas për një periudhë 5 javore, akses falas në internet në cdo platformë edukative përfshirë edhe RTSH, kanalin që mbulon shkollën, pa kufizim. Për abonentë me kontratë të fiksit për akses në platforma edukative për fëmijë të çdo moshë 60% më lirë se oferta normale. Zgjatja e ofertave për internet fiks dhe televizor. Çdo paketë që do blihet do ketë ofertat e sipërpërmendura këto janë maksimumi sot për sot. Kursejeni internetin dhe për ato komente pa lidhje që bëhen në këtë faqe, kam respekt për ato që adresojnë problematika reale”. të lidhur me bes a besë”, tha Rama.
