Shkon në parlament për shqyrtim të përshpejtuar projektligji për ratifikimin e marrëveshjes së angazhimit mes qeverisë shqiptare dhe GAVI-t, aleanca që përfshin pjesëmarrjen në strukturën globale të qasjes për vaksinën kundër Sars Covid 2.
Synimi i grupit COVAX, përvec prokurimit të një vaksine te sigurtë, është edhe sigurimi i dozave për të gjitha vendet, pavarësisht ekonomive të tyre.
Qëllimi i pjesëmarrjes së shtetit shqiptar mes 92 vendeve me ekonomi të niveleve të ndryshme, është blerja e vaksinës kundër koronavirusit.
Kostoja totale do të jetë 3.990.000 dollarë amerikanë, shumë e cila do ti paguhet GAVI-t.
Por cfarë është GAVI?
GAVI është një partneritet global, i cili ka në përbërje të tij organizata të specializuara të Kombeve të Bashkuara, si OBSH, UNICEF, Banka Botërore si dhe partnerë të tjerë që merren me kërkimin dhe zhvillimin e produkteve mjekësore dhe programeve të shëndetit publik. Për Shqipërinë, anëtarësimi në këtë Aleancë dhe prokurimi i vaksinës nëpërmjet këtij mekanizmi ofron një vaksinë të sigurt dhe të certifikuar.
Këtë marrëveshje për Covax Facility e lancuar në prill të 2020 nga Komiteti kombëtr i imunizimit, ka vendosur në datën 31 gusht bazat e marrëveshjes. Ajo synon sigurimin e 1.140.000 dozave.
Sasia që mund të ofrohet nga COVAX Facility për të mbuluar 20% të popullsisë, me dy doza vaksinë, është një sasi e konsiderueshme, e përafërt me sasinë që synojmë për vaksinimin ndaj gripit sezonal 2020-2021.
Ndërkohë që shumë prodhues po punojnë duke bërë investime për të patur një vaksinë finale, miratimi i së cilës do të jetë nga Organizata Botërore e shëndetësisë për tu shpërndarë në vendet që kanë firmosur marrëveshjet me GAVI-n.
Parashikimet janë që brënda 2012 të prodhohen 2 miliardë vaksina për vendet pjesëmarrëse ën marrëveshje, për të përballuar emergjencën globale të shkaktuar nga pandemia e covid 19.