“PD, Primaret dhe Protesta”, kjo ka qenë tema e emisionit Quo Vadis këtë të enjte në Vizion Plus, të moderuar nga Pranvera Borakaj.
I pyetur nga moderatorja Borakaj se si po e pret baza e PD përfshirjen në listat e mbyllura të kandidatëve të partive aleate, Sekretari për Çështjet Ligjore në PD, Ivi Kaso, tha se ka njëlloj ndërgjegjësimi te të gjithë, se nëse nuk bashkohen regjimi nuk rrëzohet.
Pjesë nga biseda:
Borakaj: A është dakord baza që në listë të mbyllur të ketë edhe aleatë?
Kaso: Pa u bërë bashkë të gjithë kjo punë nuk bëhet. Pra pa u bërë të gjithë faktori opozitar për tu përballur me këtë regjim, kjo nuk bëhet. Ekziston njëlloj ndërgjegjësimi i tillë. Pastaj nga ana partiake parapëlqimi është që të ketë sa më shumë përfaqësues të tyre. Pra nëse ulesh dhe dëgjon në tavolana me strukturat e partisë, ata vënë në plan të parë nevojat e PD. Por ekziston një ndërgjegëjësim që pa u bërë bashkë kjo punë nuk bëhet.
Borakaj: Kush e ka në dorë?
Duka: Kush tjetër, Berisha.
Kaso: Negociata për koalicionin opozitar bëhet nga kryetari i partisë.
