Ecuria e tregut të punës do të jetë me trend rritës.

 

I këtij mendimi është eksperti i punësimit Erald Pashaj, i cili në emisionin E-Zone me moderatoren Rajmonda Lajthia deklaroi se deri në mes të vitit të ardhshëm tregu i punës do të hyjë në një ekuilibër të ri.

 

“Unë e parashikoj që tregu i punës deri në fund të vitit do të rritet. Deri në mes të vitit tjetër do të vazhdojë rritja dhe tregu do të hyjë në një ekuilibër të ri. Ne kemi tre vjet që tregu është në një dinamikë. Lëvizjet janë të mëdhaja. Në mes të vitit tjetër unë e shikoj që kjo dinamikë do të filloj të qetësohet dhe ekuilibri do të arrihet”, tha Pashaj.

 

Sipas ekspertit, profesionet e të ardhmes më të paguara do të jenë ato që lidhen me teknologjinë dhe sistemin shëndetësor.

 

Rritje do të ketë edhe në sektorë të tjetë, përfshirë këtu edhe fasoneritë, ndonëse me nivele më të ulta.

 

“Pozicionet që do paguhen më shumë besoj se do të jenë pozicionet e së ardhmes që lidhen me teknologjinë, me kujdesin shëndetësor dhe mendoj se do ketë rritje në të gjithë sektorët, edhe në fasoneri edhe drejtor në një biznes do të ketë rritje. Por puna me të pakualifikuar do të ketë rritje më të ulët dhe punët me persona më të kualifikuar do të kenë një rritje më të lartë”, tha Pashaj.

 

Eksperti shton se çmimet do të vijnë me trend rritës dhe për këtë ai tha se Shqipëria do të ndjekë modelin e shteteve të tjera, njësoj siç ka bërë deri tani.

Leave a Reply

Your email address will not be published.