Është shuar në moshën 102 vjeçare një nga arkitektët më të njohur të shekullit XX.
Lajmin për vdekjen e arkitektit Ieoh Ming Pei,e ka dhënë djali i tij Chien Chung Pei.
Pei ishte i njohur për dizajnet moderniste të tij dhe projektet e profilit të lartë, e kanë bërë I.M Pei-n, një nga arkitektët më të mirë të shekullit të 20-të.
Në mesin e punëve të tij përfshihet edhe renovimi i Muzeut të Louvre-it në Paris, i cili përfshin një nga projektet që ai preferonte më shumë: piramidat e xhamit. Gjithashtu ai ka dizajnuar edhe Ndërtesën Lindore të Galerisë Kombëtare të Artit në Uashington.
Puna e tij nëpër muze, ndërtesa komunale, hotele, shkolla dhe objekte tjera në gjithë botën është përbërë nga një gjeometri precize dhe kualitet abstrakt.