Seanca gjyqësore për ish-kryetarin e Bashkisë së Vorës, Agim Kajmaku u shty këtë të hënë.
Në Gjykatën e Tiranës ishte planifikuar të mbahej seanca për ndryshimin e masës së sigurisë për Kajmakun, por ajo u shty për shkak të mosparaqitjes së provave sipas ligjit.
Gjyqi i radhës u vendos të mbahet në datën 28 janar, ora 11:30. Mbrojtja e Agim Kajmakut kërkon që të lehtësohet masa e sigurisë për ish-kryebashkiakun nga “Arrest me burg” në një masë më të butë.
Kajmaku akuzohet për “Shpërdorim detyre”, “Falsifikim i formularëve” dhe “Ushtrimi i funksioneve pas dhënies fund të detyrës”.
Ai u denoncua nga Partia Demokratike se ka qenë i dënuar në Greqi për falsifikim parash, por diçka të tillë nuk e ka deklaruar në formularin e dekriminalizimit. Akuzat e PD rezultuan të vërteta, ndërsa Kajmaku u shpall në kërkim.
