Shtyhet seanca paraprake ndaj ish-Prokurorit të Përgjithshëm

Shtyhet seanca paraprake ndaj ish-prokurorit të përgjithshëm Adriatik Llalla nëse ceshtja ndaj tij do të kalojë për gjykim.

Llalla akuzohet nga SPAK per “Refuzimi për deklarimin, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”, të kryer tre herë, të parashikuar nga neni 257/a, paragrafi (2) i Kodit Penal.

Llalla i ka mohuar akuzat e ngritura nga ish-Prokuroria e Krimeve të Rënda duke e cilësuar hetimin ndaj tij si një goditje politike.

Llalla u largua nga Prokuroria e Përgjithshme në fund të vitit 2017.