Mjeku urolog, Artan Koni ka reaguar pas lajmit të ministres së Shëndetësisë, Ogerta Manastirliu se do të rritet numri i testeve të koronavirusit në vend.
Përmes një postimi në “Facebook”, ai tha se testet janë të lira dhe sipas tij buxheti i ministrisë del e tepron, teksa shtoi se pandemia nuk është problem fondesh, por përparësish.
“Kush sygjeron, kush vendos e kush zbaton ?? Lexova nje lajm te mire per te gjithe ne…uroj mos te jete lajm per konsum momental. Shume mire qe po shtojme kapacitetet e testimeve. Jo per gje por testet jane te lira dhe buxheti i ministrise del e tepron per pandemine. Sipas shifrave zyrtare te OBSH-se, gjate ketyre 3 muajve kemi kryer 25730 testime gjithsej. 1 test kushton mesatarisht 10 euro. Vetem per testimet kemi harxhuar rreth 250.000 euro…nderkohe qe minsitria e Shendetesise e ka buxhetin 400 milione euro. Pandemia nuk eshte asnjehere problem fondesh, por problem perparesish. Se si shperndahen parate, eshte ne dore te qeverise. Pa dashur t’ju pres hovin…cfare i bie te keni bere gjate ketyre 3 muajve atehere? Ne kohe pandemie, shtimi i kapaciteteve mjekesore duhet te perfundoje brenda 2-3 muajve. Nese ky shtim perfundon pas 5 vjetesh, me vjen keq por nuk na hyn më ne pune. Gjithsesi fillimi i mbare gjyma e punes. Me behet qejfi qe po behet nje kthese, hajt me kembe te mbare ishalla.”
Ai i drejtohet Manastirliut duke i thënë se nuk duhet të kompleksohet nëse shumë e konsiderojnë “dështim” strategjinë e ndjekur për parandalimin e infeksinoit, më argumentin se është hartuar nga ekspertët.
“Znj.Manastirliu eshte e mendimit se strategjia e percaktuar nga ekspertet ka rezultuar e suksesshme deri tani. Nese shtimi i rasteve dhe shnderrim i QSUT-se ne vatren me te madhe te infeksionit konsiderohet “sukses”, as nuk dua ta coj nder mend se cfare do konsidorehej “deshtim”. Znj ministre nuk duhet te kompleksohet nese shume nga ne e konsiderojne “deshtim” te gjithe kete strategji. Jo per gje por ekspertet e kane hartuar, jo ajo personalisht. Nese realisht jane ekspertet hartuesit e strategjise dhe qeveria vetem ka bere zbatimin e saj, le te mbajne vete ekspertet pergjegjesi. Nje pale thote “ne vetem sygjerojme, vendimet i marrin ata”. Pala tjeter thote “ne vetem zbatojme, vendimet i marrin ata”. Nese rastet do vazhdojne te shtohen me kete ritem (shpresoj qe jo), do behet problematike kjo puna e pergjegjesise. Keshtu qe beni mire ta ndani perfundimisht kush sygjeron, kush vendos e kush zbaton ?? Pergjegjesia ligjore mbase jo, por pergjegjesia morale i mbetet gjithmone dikujt, ne syte e popullit.”
