Dritan Abazoviç, udhëheqësi i koalicionit opozitar “E Zeza në të Bardhë” me katër mandatet e balancës së pushtetit në Malin e Zi, ka deklaruar se rajoni nuk kërcënohet nga ndryshime të politikës së jashtme.
Abazovic shprehet se Lukashenko i Ballkanit tashmë është rrëzuar dhe se qeveria e re nuk do të jetë pro serbe.
DRITAN ABAZOVIC
KOALICIONI “E ZEZA NE TE BARDHE”
“Nuk duhet të ketë politikanë në qeverinë e ekspertëve. Dhe nuk do të ketë politikanë. Pra, nuk ka asnjë ndryshim në politikën e jashtme të Malit të Zi ose në angazhimet ndërkombëtare. Së bashku do të punojmë për të promovuar axhendën europiane dhe parimet që u premtuam qytetarëve në aktivitetet parazgjedhore.”
Ndërkohë, presidenti, Milo Gjukanovic akuzon Beogradin për agresion të fortë mediatik dhe politik.
MILLO DJUKANOVIC
PRESIDENT I MALIT TE ZI
“Presidenti Vuçic dhe politika aktuale e Serbisë treguan synime për të ndërhyrë politikën e brendshme të vendit tonë, duke u përpjekur të ringjallin politikën nacionaliste të Serbisë së Madhe në rajon. Të dyja janë jashtëzakonisht të gabuara dhe shumë të rrezikshme ”.
Duke folur për qeverinë e re, Gjukanovic theksoi se programet e partive të koalicionit opozitar ndryshojnë thelbësisht dhe të përbashkët kanë vetëm qëllimin për të na rrëzuar.
Nga dita e dielë në Malin e Zi janë shënuar një sërë incidentesh mes mbështetësve të opozitës dhe atyre të mazhorancës.