Duke marrë shkas nga situata shqetësuese në vend si pasojë e rritjes së viktimave dhe rasteve me koronavirus, deputeti i opozitës parlamentare, Halit Valteri kërkon që të realizohen më shumë testime.
Në senacën plenare të kësaj të enjteje, Valteri deklaroi se qytetarët “nuk po vdesin vetëm nga virusi”, po edhe nga pakujdesia e qeverisë dhe frika e shkaktuar nga kjo sëmundje. Ai propozoi që të bëhen minimalisht 2 deri në 3 mijë testime në ditë.
“Nisur nga situata e rënduar e Covidit dhe shtimi i rasteve në spitalet ku qeveria dhe Ministria e Shëndetësisë kanë vendosur në dispozicion për qytetarët shqiptarë, do tu lutesha si deputet ju si drejtues i këtij parlamenti të bëjmë në daç një ligj, në daç VKM për më shumë testime. Nëse sot bëjmë 300 testime, ta marrë atë tender kush të dojë, asnjë nuk do të merret me të, të bëjë 1000-2000 testime në ditë. Në çdo qendër shëndetësore të ketë tamponë ku njerëzit të shkojnë dhe ti bëjnë. Shqiptarët po i vret jo vetëm Covid, por edhe pakujdesia dhe frika që kanë nga kjo sëmundje e tmerrshme. Do ti lutesha zotit Balla ti bëjë një kërkesë qeverisë që minimumi të bëjnë 2-3 mijë testime në ditë që të shikojmë si do të ecë kjo gjë.”
