Drejtuesi politik i qarkut të Vlorës, Bledi Çuçi nga sheshi “Skënderbej” ku PS hapi zyrtarisht fushatën ditën e sotme, ka kërkuar votën e shqiptarëve. Me qëllimin e vetëm për të bërë realitet një ëndërr të përbashkët, atë të pasaportës evropiane. Ai u shpreh i bindur se në zgjedhjet e 11 majit, PS do të marrë në Vlorë 9 mandate, nga 8 që ka siguruar në zgjedhjet e 2021.
Çuçi: Ne jemi sot në këtë shesh në një moment historik jo vetëm për të kërkuar votën tuaj, por për të bërë realitet një ëndërr të përbashkët, pasaportën evropiane për çdo shqiptar. Vlora hyn në këtë garë si shëmbëlltyra më kuptimplotë e vizionit të PS dhe Edi Ramës dhe fuqisë transformuese të saj. Nga një qytet i harruar në një nga perlat e Mesdheut. Vijmë sot në shesh me 8 mandate, në datën 11 do vijmë me 9 të tilla. sepse qytetarët e këtij qarku dinë të njohin dnryshimin dhe janë të mençur për të mos hedhur votën dëm në kënetë./vizionplus.tv
