Kryetarja e LSI-së Monika Kryemadhi ka sjellë edhe njëherë në vëmendje këtë të enjte shtatë masat e propozuara nga partia që ajo udhëheq për tejkalimin dhe parandalimin e përhapjes së koronavirusit.
Kryemadhi shkruan në “Facebook” se masat e propozuara nga LSI kanë për qëllim parandalimin e pandemisë ekonomiko-sociale. Mes të tjerash, ajo thekson se “shqiptarët sot si asnjëherë më parë kanë nevojë për mbështetje”.
“Shqiptarët sot si asnjëherë më parë kanë nevojë për mbështetje. Ja masat që i propozojmë qeverisë për të kaluar këtë moment kritik dhe për të parandaluar Pandeminë Ekonomiko-Sociale”, shkruan Kryemadhi.
Masat e propozuara nga LSI për situatën me koronavirusin:
1.Heqja e taksave lokale per te gjithe bizneset dhe familjet duke filluar nga muaji mars dhe per gjate gjithe kohezgjatjes se kufizimeve per shkak te karantines.
2.Garantimi i Pageses me vlere 80% per te gjithe personat, qe jane ne pune, por nuk mund te punojne dhe per pasoje nuk paguhen per arsye te mbylljes se aktivitetit te sipermarrjes ku ata punojne per shkak te karantines, perfshire edhe te gjithe ushtruesit e profesioneve te lira. Pagesat te kryhen ne numrat e llogarise se te punesuarve.
3.Te rimbursohen nga shteti sigurimet shoqerore dhe shendetesore te kategorive te punonjsve te trajtuar me 80% te pages,per te gjithe periudhen ne te cilen keta punonjes do te jene pa pune per shkak te karantinimit dhe kohes qe do ti duhet biznesit per te rikthyer aktivitetin e biznesit te tyre ne pune.
4.Subvencionim per te gjithe fermeret prodhimet e te cileve nuk mund te shiten per arsye te bllokimit te transportit apo te pamundesise se sigurimit te imputeve bujqesore dhe per pasoje mos realizimit te prodhimit bujqesor. AZHBR duhet te beje nje disbursim me procedura te pershpejtuara per çdo fermer.
5.Subvencionim te te gjithe pagesave, qe te palikujdura studenteve si detyrime per vitin shkollor 2019 – 2020.
6.Shtyrje e pagesave te TVSH si dhe tatimeve te bizneseve per nje periudhe me te vone, ne vleresim te kohezgjatjes se karantines, por jo me pare se muaji qershor.
7.Per te gjithe ata qytetare qe jane te rregjistruar ne asistence si dhe per pensionistet, shteti te marre persiper rimbursimin e faturave te energjise dhe te ujit.
