“Shqipëria progres me integrimin”, ambasadorët e Gjermanisë dhe Francës mbështesin edhe goditjet e SPAK

Ambasadori i Gjermanisë, Karl Bergner dhe ambasadorja e Francës, Catherine Suard, nga Korca inkurajuan Shqipërinë në rrugën e saj të reformave integruese.

“Ne i mirëpresim hapat e fundit që janë marrë nga ana e qeverisë. Mendoj që është një tregues i fortë për besimin që do kenë shtetet anëtare të BE ndaj Shqipërisë. Një kapitull është hapur dhe priten që të hapen edhe kapituj të tjerë në të ardhmen që do të thotë negociatat e vërteta do të fillojnë dhe ky proces transformimi që Shqipëria po i nënshtrohet, përforcimi i vlerave europiane do të vazhdojë të thellohet. Me vlerësojmë punën që ekipi shqiptar ka bërë deri tani”, tha diplomati Karl Bergner.

Kurse për arrestimet në nivele të larta të politikës që ka bërë SPAK, ambasadori gjerman u shpreh: Qëndrueshmëria e institucioneve të fuqishme, jo vetëm SPAK, por edhe institucione të tjera ligjzbatuese, është pjesë e transformimit të aksesit në BE. Ne e mbështesim dhe e vlerësojmë punën e SPAK në këtë aspekt.

Në të njëjtën linjë ishte edhe ambasadorja franceze Catherine Suard

“Ashtu siç e theksoi presidenti Macron ne vizitën e tij në Shqipëri, jemi të lumtur për hapat e Shqipërisë në BE dhe jemi të bindur që ato do vazhdojnë. Procesi i integrimit është i rëndësishëm transformimi i shoqërisë shqiptare. Në këtë proces transformimi, Franca dhe Gjermani u japim ndihmë. Besoj se jemi dakord që ne mbështesim punën e SPAK, BE e mbështet në punën e rëndësishme që po bën”, tha diplomatja franceze.

Vizita e tyre në qytetin e Korçës, u bë në kuadër të ceremonisë së përvitshme të “Përkujtimit të Armëpushimit”, të 11 Nëntorit 1918, në fundin e Luftës së parë Botërore, ku u nderuan 640 ushtarë të rënë. /vizionplus.tv