Kreu i qeverisë shqiptare, Edi Rama ditën e sotme ishte i pranishëm në konferencën Ndërkombëtare për Qeverisje, për të diskutuar për perspektivën e Shqipërisë në procesin e integrimit në Bashkimin Evropian.
Kryeministri i vendit në fjalën e tij tha se më parë Shqipëria nuk ka pasur mundësinë të zgjedhë lirisht se me kë të jetojë. Por për herë të parë në histori, vendi ka zgjedhur të jetë pjesë e BE-së, dhe kreu i qeverisë tha se anëtarësimi i vendit në Union është trashëgimia më e madhe për fëmijët, të cilët mund të jetojnë në një vend ku institucionet funksionojnë.
Rama: Nga njëra anë kemi procesin e integrimit në BE, i cili është përtej pjesës politike, por nga ana teknike është një bekim sepse është i vetmi kanal ku mund të transferojmë njohurinë dhe i cili tregon se si mund të ndërtojmë institucionet. Kur ti i ke institucionet, duket më pak tërheqëse, por kur nuk ke institucione, është një bekim. Teknologjia e re mund t’i japë shteteve si ne mundësinë që të bëjmë hapa të cilët pa teknologjinë do të ishin të pamundur.
Thjesht imagjinoni, nëse teknologjia nuk do ishte e zbatueshme, si do të kishim ne mundësinë të ofonim qindra mijëra shërbime online. Tani ne kemi krijuar një model, i cili funksionon për ne, nëpërmjet inteligjencës artificiale. Ajo që të tjerët bënë për 7 vite, ne mund ta bëjmë për 2 vite. Do të ishte e pamundur pa tekologjinë. Unë gjithmonë kam thënë, për ne procesi është po aq i rëndësishëm se rezultati përfundimtar. Udhëtimi është ai që ne kemi nevojë, sepse bëhemi një vend i cili vepron si një vend anëtar i BE-së. Kjo do të ishte trashëgimia më e madhe që ne mund t’i japim fëmijëve tanë, mundësinë për t’u rritur në një shtet ku institucionet funksionojnë./vizionplus.tv
