Në harkun kohor të 1 viti e gjysme në 3 episode trafikimi, drejt Shqipërisë është tentuar të futen rreth 1 ton e gjysme kokainë nga Kolumbia, Ekuadori e së fundmi nga Brazili.
Për ekspertët e sigurisë grupet kriminale kanë krijuar aftësinë të negociojnë në bazën e burimit të drogës në vendet e Amerikës Latine e për më tepër hidhen dyshime të forta mbi përfshirjen e autoriteteve.
ARJAN DYRMISHI
EKSPERT SIGURIE
“ E shikoj si një zhvendosje te grupeve për të trafikuar drogën në vende ku ka më pak kontroll sesa në Europë ku rrisku është më i madh ”.
EMRI VATA
ISH-DREJTUES POLICIE
“ Sasi të tilla në vlerën e miliona dollarëve apo eurove është e pamundur të trafikohen pa patur garancinë e dikujt ”
Sa i takon përfitimeve të majme nga ky aktivitet, ekspertët janë të mendimit se janë shkaterrimtare për ekonominë.
ARJAN DYRMISHI
EKSPERT SIGURIE
“ Grupet kriminale kanë aftësi që të investojnë aq shumë në një fushë të caktuar sa të shkatërrojn konkurencën dhe të dominojnë tregun duke sjellë pasoja për një kompani që ka vite që operon në treg ”.
EMRI VATA
ISH-DREJTUES POLICIE
“ Trafikimi i drogave të forta është shkatërrues për ekonominë, pasi indivitë apo kompani nuk vijojnë aktivitetin e drejtë të tyre por shtyhen të bëjnë para të shpejta përmes këtij aktiviteti ”
Gjatë 2 operacioneve policia e shtetit ka arritur të arrestojë vetëm pritësit e drogës por jo porositësit e vërtet ndërsa në rastin e fundit në brazil, ngarkesa që dyshohet se kishte destinacion shqipërinë u sekuestrua nga autoritetet pa nisur udhëtimin.
