Shqipëria me drejtor teknik italian, pritet zyrtarizimi

Shqipëria së shpejti mund të ketë një drejtor teknik italian. Bëhet fjalë për trajnerin italian 66-vjeçar, Masimo Morxhia. Për shërbimet e tij interesohet edhe skuadra e Noçerinës, por nëse nesër arrihet akordi me FSHF-në, ai do të zgjedhë të vijë në Shqipëri.

“Më ka ardhur një ofertë nga Federata Shqiptare e Futbollit për të qenë drejtor teknik i të gjithë ekipeve përfaqësuese dhe më kanë thënë se brenda të martës do ta mbyllim marrëveshjen. U kërkova nëse do ishte e mundur që ta mbyllnim më herët, por ata janë edhe duke kërkuar trajner të ri për ekipin kombëtar dhe normalisht që kjo çështje është më e rëndësishme. Mu bë shumë qejfi nga oferta që mora sepse në këtë moshë një pozicion i tillë në një federatë futbolli do të ishte kurorëzim i karrierës sime. Nëse nuk shkoj në Shqipëri, do të marr drejtimin e Noçerinës”, tha Morxhia për “La Citta”.