“Shqipëria i përket BE-së”, Ursula von der Leyen uron Edi Ramën: Nën udhëheqjen tuaj vendi ka bërë përparim të madh
Presidentja e Komisionit Evropian, Ursula von der Leyen ka uruar kryesocialistin Edi Rama për fitoren.
Përmes një postimi në platformën X, Presidentja e KE thotë se Shqipëria ka bërë përparim të madh drejt BE-së nën drejtimin e Ramës.
Von der Leyen nuk e fsheh entuziazmin për ta uruar personalisht kreun e qeverisë shqiptare gjatë Samitit të Komunitetit Politik i cili do të zhvillohet në Tiranë më 16 maj.
“I dashur Edi Rama, urime për fitoren tuaj zgjedhore! Nën udhëheqjen tuaj, Shqipëria ka bërë përparim të madh drejt Bashkimit tonë. Le të vazhdojmë të punojmë ngushtë së bashku për reformat e BE-së. Shqipëria i përket BE-së! Pres me padurim t’ju përgëzoj personalisht nesër në Tiranë”, shkruan Presidentja e KE-së.
Dear @ediramaal, congratulations on your electoral victory!
Under your leadership, Albania has made great progress towards our Union.
Let’s keep working closely together on EU reforms. Albania belongs in the EU!
Looking forward to congratulate you in person tomorrow in Tirana. pic.twitter.com/Lneh8LPh3D
— Ursula von der Leyen (@vonderleyen) May 14, 2025
/vizionplus.tv
