Siç tradita e kërkon, kremtimi i 111-vjetorit të pavarësisë nisi me ngritjen e flamurit në Vlorë.
Në ceremoni ishte presidenti Bajram Begaj, kryeparlamentarja Linidita Nikolla dhe kryeministrat e Shqipërisë dhe Kosovës, Edi Rama dhe Albin Kurti.
Pas ngritjes së flamurit, krerët e lartë të dy shteteve shqiptare vendosën kurora me lule në monumentin e pavarësisë.
Dita e flamurit bashkoi në qytetin e pavarësisë edhe dy krerët e qeverive. Si para dhe pas ceremonisë Edi Rama dhe Albin Kurti ishin bashkë për t’u përshëndetur me qytetarët.
111 vite më parë Shqipëria u shpall shtet i pavarur dhe sovran. Me 28 nëntor të 1912 Ismail Qemali njoftoi gjashtë fuqitë e mëdha të kohës vullnetin e popullit shqiptar për të qenë të pavarur. Ajo u shpall për të gjitha trojet shqiptare dhe u përfaqësuan në qeverinë e parë me kryetar Ismail Qemalin.